剛剛過去左既復活節假期..我同一班朋友去左肇慶,梧州三天遊...原來我地去左廣西既梧州喎..我都唔知添..我地理常識好鬼差架...
第一天:
朝早七點三去到關閘附近食早餐,跟住過關..都幾多人呀..我地排左智能身份証,點知仲慢過人手過關..所以我地去到大陸關果邊, 都係排返人手過好d...跟住我地算係最遲上車果批人, 所以我地霸唔到靚位呀...我, 阿琪, 小win同文政焗住坐車尾..<.鄧>到飛起呀...第一日, 先去左一座叫水鄉, 果度有個永盛酒莊, 同埋有山水豆腐花...仲有d水車添...跟住再去埋盤龍谷...果度有瀑布睇..., 跟住行路落山, 行完都成四點幾LU... 我地到左梧州時, 其實天氣都有D凍. 所以當晚我地食完飯, 就一齊去左買衫保暖..因為導遊話第二日去既地方, 會幾凍架...所以大家楂楂聲加料先...買衫算係行桯裡面唯一用得多錢既一環...
跟住夜晚我地玩啤牌, 我第一次玩拱豬架咋..即係WINDOWS 提供既傷心小棧..我開頭都唔識玩, 多得OLIVER 教導..但都仲有排先玩得叻......我地今晚四個人都有份拱一次豬...其中MARCO係未輸過架..但最後俾我地捉佢玩潛烏龜輸左, 我地係都要迫佢拱一次..所以佢正確黎講,係拱龜..哈哈....文政仲負責楂相機,拍低每人既拱豬/龜過程添....咦......好肉酸添...
第二天:
朝早六點MORNING CALL, 跟住食完早餐後, 我地要去搭船, 搭左半個鐘船, 只係上去一個小島上參觀一間廟...果間廟超細...我地上去, 都係只幾分鐘就可以行晒LU..再之後, 我地去左一個姑婆山, 我地坐奪命車上山遊景點...係果度,我地參觀左三個景點, 一個係拍攝酒是故鄉醇既酒廠...另一個係拍攝茶是故鄉濃既茶園...但其實咪又係有D姐姐係度叫你飲下茶, 跟住買茶葉果D..我地既隊友CK哥,做左自由行, 幫襯左..哈哈..仲有一個景點,係一個乜乜影城, 果度有條小河, 有D 竹筏...原本想試下撐下架..但時間唔夠,無得玩LU.... (P.S. 因為個導遊講野唔係好正, 電瓶車講左好似奪命車咁..哈哈) 係第二天, 我地有件搞笑野. 話說有對情侶, 個女既跳起想摘果實, 點知佢男友就講左句好關心佢既說話:<< 食左小心扑街死呀>>. 我當時聽唔到, 呢D只係我地既隊友轉述返出黎....哈..但好搞笑..點解食左, 又會扑街死呢??
今晚食完飯, 我地去左行夜市..小WIN佢地食羊肉串, 佢地話好鬼正喎..1蚊串, 都好抵食, 不過可惜我唔食羊架呢...跟住我選擇食燒雞翼, 佢D雞翼唔係好同我地澳門果D咁..佢地D 竹簽好鬼粗架..仲可以有燒雞中翼添..一串三隻, 不過都要2蚊串..佢都幾好賺....
第三天:
朝早七點MORNING CALL, 今日係最後一日啦...咁快又玩完...我地今日由梧州去返肇慶既七星岩...我地只係入左一個洞睇鐘乳石, 但都幾得意喎, 真係冬暖夏涼BOR...入到去都唔覺凍..我地係果度, 玩左個幾鐘...之後去食埋個中午飯, 就啟程回澳了...我一上車就訓...點解? 因為前一晚又玩拱豬, 玩到三點幾先訓呀...哈..尋晚豬中之豬就係......<寶寶小姐>.... 不過尋晚無錄影短片....SAI左添....
工具 
