9 March 2006 -- Macau --> Taipei --> 陽明山水行館

10:30 我的旅伴Eugen叫的士在我家樓下接我到機場，我們都覺得，假期的一切都準備就緒，除了我們的心情

11:50 NX610班機準時起飛，窗外一片迷濛

14:20 好慢咁換好錢、辦好落地簽證、買埋預付卡，就上左國光客運啓程去台北車站

15:00 估都估唔到咁快就到，影下相啦，又係時候搵野食醫下肚

15:40 到左Eugen的一級推介牛肉麵店，叫左紅燒牛肉麵同清燉黃牛肉泡餅，Yumi

16:10 有氣有力，我地就開始找尋一個我地都唔知係邊的”公園路公保大樓”皇家客運站啦

16:20 明明到左公保大樓，點解唔見有皇家客運的Counter呢？問問”食蕉哥哥”先，佢就門口個個有張長櫈，貎似巴士站但乜標誌都冇的，就係我地等車的地方啦～嘩！靠唔靠得住呀？

16:25 我地要等的車係整點開出的，問完”食蕉哥哥”之後，我地決定試一試等五點的班車，見仲有時間，就到對面的靚靚文具舖行下先，我仲買左隻鴨仔陪我浸溫泉tim ^o^

17:00 當我地返返巴士站坐，討論緊個巴士站可唔可靠的時候，就見到一架皇家客運的車停係我地面前！嘩！真係有喎！

17:10 上左車，司機大哥問左我地去邊度，佢話要一個半小時呀，咁就休息一下啦～

18:30 沿途都有唔少人上車，初初的山路都見到好多building同好多7仔，行下行下就多見樹木少見啦人，天又開始黑，Eugen醒左問我點解睇來睇去都唔見似酒店的物體？我開始有點不安

18:45 山上別有洞天，荒蕪的山路轉個彎又係另一番境象，終於到達我地都唔知係邊的”陽明山水行館”啦！

19:00 入到房間，嘩！不枉我地山長水遠人生路不熟過到來，好正呀間房，個私人浴池，wooooooo，一個有山境的私人浴池，我訂這家酒店就係為左佢啦！